To search this blog

Tuesday, September 27, 2022

Thiruvallikkeni Aani Thiruvonam purappadu 2022 - ஆழி - எனும் சொல் பல்பொருள் ஒரு மொழி

ஆழி -  எனும் சொல் பல்பொருள் ஒரு மொழி ஆகும். இதற்கு :  கடல்; கடற்கரை; அரசனின் ஆணைச் சக்கரம் ;   மோதிரம்; சக்கரம்; வட்டம்; கட்டளை என பல அர்த்தங்கள் உண்டு.  ஆழி என்பதற்கு ’பரந்து விரிந்த’ ’அளவிடமுடியாத’ என்பது முதன்மை  பொருள்.  இதனாலேயே   கடலுக்கு ஆழி எனப் பெயர் வந்தது.  திருவாரூரில் உள்ள திருத்தேர்  அளவில் பெரியதும், புராணம், வரலாற்று பெருமை மிக்கதுவாகும்.    பண்டைக்காலத்தில் திருவாரூர் தியாகேசப் பெருமான் தேருக்கு எழுந்தருளும்போது பொன்பூ, வெள்ளிப்பூக்களை வாரி இறைப்பதாகக் கூறுவர். பொன்பரப்பிய திருவீதி என்று ஒரு வீதிக்கு உள்ள பெயரை வைத்து இதனை உணரலாம். அடிக்கோராயிரம் பொன் சின்னங்கள் கூற அளிப்பார் என்று திருவாரூர்க் கோவையும், உய்யும்படி பசும்பொன் ஓராயிரம் உகந்து பெய்யும் தியாகப்பெருமானே என்று திருவாரூர் உலாவும் இதன் சிறப்பைக் கூறுகின்றன.  பெரிய தேரை இழுக்க 12,000 தேவைப்பட்டனர் என குறிப்புகள் உள்ளன. 




இச்சொல் சென்னை உயர்நீதிமன்றத்தில் ஒரு வழக்கு பொருளானது விந்தையே !  .. .. சில வருடங்கள் முன்னர், மாற்றுத்திறனாளிகளுக்கான, ஆசிரியர் தகுதித் தேர்வில், ஒரு குறிப்பிட்ட கேள்விக்கு, இரண்டு விடைகளில் ஏதாவது ஒன்றை அளித்திருந்தால், அதற்கு மதிப்பெண் வழங்கும்படி, சென்னை உயர் நீதிமன்றம் உத்தரவிட்டது.   'கடலை மட்டும் குறிக்காத சொல்லை கண்டெடு' என்ற கேள்விக்கு, 'ஆழி' என, பதில் அளிக்கப்பட்டிருந்தது. 

மாற்றுத்திறனாளிகளுக்கான,   தேர்வில், வேலூர் மாவட்டம், வீராரெட்டிபாளையத்தைச் சேர்ந்த, ஈஸ்வரி என்பவரும் பங்கேற்றார்; 81 மதிப்பெண் பெற்றார். கேள்விகளுக்கான, 'கீ' விடைத்தாள் வெளியிடப்பட்டது. அதில், இதற்கு, ஈஸ்வரி தரப்பில், ஆட்சேபனை தெரிவிக்கப்பட்டது.அவர் அந்த கேள்விக்கு  'சமுத்திரம்' தான் சரியான பதில் என, தெரிவித்திருந்தார். ஏற்கனவே வெளியிட்ட, 'கீ' விடைத்தாள் அடிப்படையில், தேர்வு முடிவு வெளியிடப்பட்டது. குறிப்பிட்ட கேள்விக்கு, சரியான விடை அளித்தும், மதிப்பெண் அளிக்காததால், சென்னை உயர் நீதிமன்றத்தில், ஈஸ்வரி, மனு தாக்கல் செய்தார். மனுவை, நீதிபதி நாகமுத்து விசாரித்தார்.  

நிபுணர்களின் கருத்தை பெற, முதுகலை பட்டம் பெற்ற மூன்று தமிழ் ஆசிரியர்களை, நீதிமன்றத்துக்கு வரவழைத்து, அவர்களிடம் கருத்து பெறப்பட்டது. மனுதாரர் சார்பில், வழக்கறிஞர், ''கடலை மட்டும் குறிக்காத சொல் என்பதற்கு, சமுத்திரம் என்பதும், சரியான பதில் தான். சமுத்திரம் என்பதற்கு, 'கடல், ஓர் எண், மிகுதி என்ற அர்த்தங்கள் உள்ளன,'' என்றார். இதற்கு ஆதாரமாக, சென்னைப் பல்கலை கழகம் வெளியிட்ட, அகராதி, தமிழ் அகரமுதலி, சாரதா பதிப்பகம் வெளியிட்ட தமிழ் அகராதியை, தாக்கல் செய்தார். அரசு தரப்பில், சிறப்பு அரசு பிளீடர்  'ஆழி என்பதுதான், சரியான விடை. ஆழி என்பதற்கு, 'கடல், மோதிரம், சக்கரம்' என, பொருள் உள்ளது. நிபுணர்களும், இது தான் சரி என, கூறியுள்ளனர்,'' என்றார்.  

மனுவை விசாரித்த, நீதிபதி நாகமுத்து :: நீதிமன்றத்துக்கு வந்த நிபுணர்கள், 'ஆழி' தான், சரியான விடை; சமுத்திரம் என்பது தமிழ் வார்த்தை அல்ல; எனவே, சமுத்திரம், சரியான விடை அல்ல' என, கூறியுள்ளனர். 'சமுத்திரம்' என்பது தமிழ் வார்த்தை அல்ல என கூறுவதை, நான் ஏற்கவில்லை. அது, தமிழ் வார்த்தை அல்ல என்றால், தமிழ் அகராதிகளில், சமுத்திரம் என்ற வார்த்தை இடம் பெற்றிருக்காது. ஆனால், 'சமுத்திரம்' என்பதற்கு, மூன்று விதமான அர்த்தங்கள் இருப்பது, தமிழ் அகராதியில் கூறப்பட்டுள்ளது. அரசு வெளியிட்டுள்ள, 'கீ' விடைத் தாள், முழுமையாக சரியில்லாததால், மனுதாரருக்கு அளிக்கும் பயன், மற்றவர்களுக்கும் போய் சேர வேண்டும். அனைவருக்கும், நீதி கிடைக்க வேண்டும் என, இந்த நீதிமன்றம் கருதுகிறது. எனவே, 'கடலினை மட்டும் குறிக்காத சொல்லை கண்டெடு' என்ற கேள்விக்கு, 'ஆழி' என்றோ, 'சமுத்திரம்' என்றோ, விடை அளித்திருந்தால், அவர்களுக்கு, ஒரு மதிப்பெண் வழங்க வேண்டும். அனைத்து விடைத்தாள்களையும், மறு மதிப்பீடு செய்து, திருத்தப்பட்ட முடிவை வெளியிட வேண்டும். ஒரு வாரத்துக்குள், இந்த நடவடிக்கையை முடிக்க வேண்டும். இவ்வாறு, நீதிபதி நாகமுத்து உத்தரவிட்டார்  

நமது வாழ்க்கை எளிமையானது .. பரம்பொருளான ஸ்ரீமன் நாரணனை மட்டுமே சுற்றி வருவது.  எம்பெருமானே ஆழிப்பிரான்  -  எம்பெருமான்  திருவவதரிக்கும்போதே கையுந்திருவாழியுமாய்த் திருவவதரித்து, பிறகு பாரதப்போரில் ‘ஆயுதமெடேன்’ என்று சொல்லிவைத்தும் ஆச்ரிதபக்ஷபாதத்தாலே ஆயுதமெடுத்தும் காரியம் செய்தருளினவன்.  இதோ இங்கே ஸ்வாமி நம்மாழ்வாரின் திருவாய்மொழி பாசுரத்திலே ரசமான ஒன்று :  





ஆளும் பரமனைக் கண்ணனை ஆழிப் பிரான்றன்னை,

தோளுமோர் நான்குடைத் தூமணி வண்ணனெம்மான்  தன்னை

தாளும் தடக்கையும் கூப்பிப் பணியும் அவர்க்கண்டீர்,

நாளும் பிறப்பிடை தோறு எம்மையாளுடை நாதரே.  

ஆள்கின்ற பரம புருஷனாகவும் ஸ்ரீகிருஷ்ணனாகவும்  திருவாழியாழ்வானையுடைய  உபகாரகனாயும்,  ஒப்பற்ற நான்கு புஜங்களையுடையவனாயும்  பரிசுத்தமான நீலமணி போன்ற நிறத்தை  உடையவனாயுமிருக்கின்ற எம்பெருமானை, தாளும் தடக்கையும் கூப்பி  வணங்குகின்றவர்கள்  - எல்லா ஜென்மங்களிலும்,  தினந்தோறும் எங்களை ஆட்கொள்ளும் அடிகளாவர் என திருமாலடியார் தம் சிறப்பை உரைக்கின்றார் நம்மாழ்வார்.  

திருவல்லிக்கேணி திவ்யதேசத்திலே பார்த்தனுக்கு சாரதியாக பணி புரிந்த பகவான் ஸ்ரீகிருஷ்ணன் - ஸ்ரீபார்த்தசாரதியாக எழுந்தருளி சேவை சாதிக்கின்றார்.  இதோ இங்கே நம் ஸ்ரீபார்த்தசாரதி பெருமாளின் அற்புத திருக்கோலம் - ஆனி திருவோணம் புறப்பாடு 18.6.2022  அன்று  எடுக்கப்பட்ட சில படங்கள்

 
adiyen Srinivasa dhasan
Mamandur Veervalli Srinivasan Sampathkumar
27.9.2022.  













Sunday, September 25, 2022

Mahalaya Amavasyai 2022

Mahalaya Amavasai @ Thiruvallikkeni  2022 : Sri Parthasarathi Swami purappadu #

 

Today 25th Sept 2022   (8th  day of Purattasi) is Mahalaya Amavasai.  Navarathri uthsavam starts from tomorrow  26.9.2022  

                    முழுவினைகள் முன்னம் கழலும் முடிந்து !!   –தொழவேணுமென்று நினைத்த மாத்திரத்தில் பாவங்கள்  தொலையுமா /  அதற்க்கு நாம் என்ன செய்ய வேண்டும் ?? 

 




இன்று 'மஹாளய அமாவாசை'!  .. ..  சென்ற வருஷம் நிலைமை வேறு !  -  காலை திருவல்லிக்கேணி ஸ்ரீபார்த்தசாரதி சுவாமி திருக்கோவில் வாசலில் அதிகமாக காவலர்கள் !! - கோவில் திறந்து இருந்தது - பக்தர்கள் சேவிக்க அனுமதி உண்டு ஆனால் திருக்குளம் அருகே சடங்குகள் செய்ய விரும்பிய ஹிந்து பக்தர்கள் துரத்தப்பட்டனர்.  ஏன் இப்படி இந்துக்கள் சம்பிரதாயங்கள் அனைத்துக்கும் அரசாங்க எதிர்ப்பு !!   ஏன் திருக்கோவிலுக்கு வரும் பக்தர்களுக்கு எந்த வசதியையும் செய்து தராமல் இடர்பாடுகள் மட்டுமே அதிகாரிகள் செய்கிறார்கள் !!  அய்யகோ சென்ற வருஷம்  -   கடற்கரை பகுதிகள், நீா்நிலைகள் மற்றும் வழிபாட்டுத்தலங்கள் ஆகிய இடங்களுக்கு  வழிபாடு  செய்ய பொதுமக்கள் செல்ல அனுமதி இல்லை எனக்கூறி பல்வேறு விதமான தொந்தரவுகள் பக்தர்களுக்கு !!

மஹாளய அமாவாசை : -  ஐதீகங்கள் !  நம்பிக்கைகள் !! சடங்குகள் ! மத நம்பிக்கைகள் !! - சிலருக்கு புரியவில்லை என்பதால் மட்டுமே இவை எவையுமே அர்த்தமற்றவை ஆகிவிடாது !!  மாளய அமாவாஸ்யை வழிபாடு இந்துக்களின் அடிப்படை ஆணிவேர் நம்பிக்கை.   வேர்கள் இல்லாது விருட்சங்கள் இல்லை; விதைகள் இல்லாது கனிகள் இல்லை. முன்னோர்களின் சாயல் இல்லாமல் நம் தலைமுறைகளே இல்லை என்கிறது கருட புராணம். வாழையடி வாழையென நம்மை வாழ்விக்கும்  முன்னோர்களை மகாளய அமாவாசை தினத்தில்  முடிந்த அளவுக்கு வழிபட்டு நலமும் வளமும் பெறுதல்  ஹிந்து தர்மம். 

மகாளய தானம் மகத்தான தானம்' என்கின்றன புனித நூல்கள்.  'மறந்து போனவர்களை மாகாளயத்தில் சேர்' என்பது பழமொழி. ஏழேழ் தலைமுறையைச் சேர்ந்த முன்னோர்களுக்கும் அவர்களுக்கான பித்ரு காரியங்களைச் செய்ய வேண்டும் என்பது ஹிந்து  தர்மங்கள் நமக்கு விதித்திருக்கும் கட்டளை. பெற்றோர்களைப் பேணுதல், தெய்வ ஆராதனை, அதிதி வரவேற்பு, சந்நியாசிகளைப் போற்றுதல், பித்ரு காரியங்கள் என ஐவகை தர்மங்களைக் கட்டாயம் செய்ய வேண்டும் என்கின்றன சாஸ்திரங்கள்.   திதி, தர்ப்பணம் என்னும் வகையில் நீர் நிலைகளுக்கு அருகே எள்ளும் நீரும் பிண்டமும் கொடுத்து செய்யப்படும் ஒரு வழிபாடு.  மூதாதையர்களுக்கு  மக்கள்  நன்றி காட்டும் நாளே மகாளய அமாவாசை.   

புரட்டாசி மாதத்தில் வரும் அமாவாசை மகாளாய அமாவாசை என்று கொண்டாடப்படுகிறது.  இந்த நாளில்  நீர்நிலைகளில் புனித நீராடி கோவில்களில் பக்தர்கள் தரிசனம் செய்வது வழக்கம். அதேபோல் முன்னோர்கள் நினைவாக நீர் நிலைகளின் அருகில் தர்ப்பணம் கொடுத்தும் வழிபடுவார்கள். 

 

அதுநன்று  இது தீது என்று ஐயப்படாதே,

மதுநின்ற தண்டுழாய் மார்வன், - பொதுநின்ற

பொன்னங் கழலே தொழுமின், முழுவினைகள்

முன்னங் கழலும் முடிந்து.

 

இந்த பூவுலகில் - ‘அது நல்லதோ? இது கெட்டதோ?‘ என்று ஸந்தேஹப்பட்டு ஐயுற வேண்டா ! நம் பேயாழ்வார் அருளுரை இதோ :   எவ்வித மனக்கிலேசமும் இல்லமால், தேன்நிறைந்த தண்டுழாய் மாலையைத் திருமார்பிலணிந்த எம்பெருமானான ஸ்ரீமன் நாராயணனின்  அழகிய, விரும்பத்தக்க திருவடிகளை பற்றி தொழுதால் ஒன்றே போதுமே ! நமது முழு பாவங்களும் முடிந்து,  கஷ்டங்கள் எல்லாம் நம்மை நீங்கும்.   நலம் தரும் சொல் 'நாராயணா  என்ற நாமமே *'.  






In astronomy, the new moon [Amavasyai]  is the first lunar phase, when the Moon and Sun have the same ecliptic longitude. At this phase, the lunar disk is not visible to the unaided eye, but its presence may be detected because it occults stars behind it.  

Last year, the moon went  through a remarkable celestial event, the only one of its kind in a 28-year window. The moon passed  in front of three planets and one of the sky’s brightest stars. The last time it obscured three planets in so short a period was in 2008, and the next will be in 2036.  Astronomers refer to the moment when one celestial body blocks out another in Earth’s sky as an “occultation.”  It happens fairly regularly as the moon orbits our world, but it’s unusual for so many bodies to be involved in this way.  

Ever heard of a moon by name ‘Europa’ ?  Europa also  Jupiter II, is the smallest of the four Galilean moons orbiting Jupiter, and the sixth-closest to the planet of all the 80 known moons of Jupiter. It is also the sixth-largest moon in the Solar System. Europa was discovered in 1610 by Galileo Galilei and was named after Europa, the Phoenician mother of King Minos of Crete and lover of Zeus (the Greek equivalent of the Roman god Jupiter).  Slightly smaller than Earth's Moon, Europa is primarily made of silicate rock and has a water-ice crus  and probably an iron–nickel core. It has a very thin atmosphere, composed primarily of oxygen.   In addition to Earth-bound telescope observations, Europa has been examined by a succession of space-probe flybys, the first occurring in the early 1970s.  

On Thursday, Sept. 29, at 2:36 a.m. PDT (5:36 a.m. EDT), NASA’s Juno spacecraft will come within 222 miles (358 kilometers) of the surface of Jupiter’s ice-covered moon, Europa. The solar-powered spacecraft is expected to obtain some of the highest-resolution images ever taken of portions of Europa’s surface, as well as collect valuable data on the moon’s interior, surface composition, and ionosphere, along with its interaction with Jupiter’s magnetosphere.  Such information could benefit future missions, including the agency’s Europa Clipper, which is set to launch in 2024 to study the icy moon.   

Back home, on the important Mahalaya Amavasai day, Sri Parthasarathi Perumal had periya mada veethi purappadu.  In this earthly World, most worries are in determining – what is good and what is not – why doubt all these, when you have the simplest way out ?   Sri Peyalwar offers his golden advice – he says :  the simplest thing in life that we can do, is worship the Golden feet of Sriman Narayana with a Tulsi garland on this chest,  who is easily accessible to every one of His bakthas.  The sins and karma would vanish without a trace before we age.  

 

adiyen Srinivasa dhasan
Mamandur Veervalli Srinivasan Sampathkumar
25.9.2022. 











Saturday, September 24, 2022

Thiruvallikkeni Sri Azhagiya Singar Purattasi Sani 1 2022 - எந்தையெம்பெருமானென்று .. .. சிந்தையுள் வைத்து!!.

The tamil month of Purattasi has a pride of place.  Devotees throng  Vishnu temples, especially Tirupathi.  In this month, occurs the  annual Brahmothsavam at Tirupathi. It is also the month of ‘Navrathri’ festival.  This year, Navarathri festival starts from Monday 26.9.2022.   On every Saturday in this  month of Purattasi, there will be Periya maada veethi purappadu of Emperuman  Azhagiya Singar.   Today is  Sani varam 1.  




அச்சுதா, அனந்தா , கேசவா, நாரணா, மாதவா, கோவிந்தா என எம்பெருமானின் திருநாமங்களை உச்சரித்து அவனையே நினைத்து அவனடி சேர்வதே நம் இலட்சியம்.  இதற்கு மிக உகந்த மாதம் புரட்டாசி.  திருவேங்கடமலையில் அடிவாரத்தில் இருந்து ஒவ்வோர் இடத்திலும் 'கோவிந்தா, கோவிந்தா' என அவனது திருநாமம் எதிரொலிக்கும்.  ஏழுகொண்டலவாடா ! வேங்கடரமணா, கோவிந்தா என அடிமனதில் இருந்து எழும் பக்தனின் மன உச்சரிப்பு அது.  திருமலையில் பக்தர்கள் எளியவர்கள், திருவேங்கடவனை தவிர வேறொன்றையும் நினைக்காதவர்கள்.  அவர்கள் பக்கலில் உள்ளவர்களின் கருத்தையோ, அங்கீகாரத்தையோ எதிர்பார்ப்பதில்லை.  பக்தனுக்கும் பெருமாளுக்கும் ஆன நேர் உரையாடல் அது.  ஸ்வாமி நம்மாழ்வார் தமது திருவாய்மொழியில் :  

எந்தையேயென்றும்  எம்பெருமானென்றும்,

சிந்தையுள்  வைப்பன் சொல்லுவன்பாவியேன்,

எந்தையெம்பெருமானென்று   வானவர்,

சிந்தையுள் வைத்துச் சொல்லும்  செல்வனையே. 

பரமபத வாசிகளான நித்யஸூரிகள்,  ஸ்ரீமந்நாராயணனை எந்தையே! எம்பெருமானே! என்று  மனத்தினால் சிந்தித்து,  வாயினால் தோத்திரஞ் செய்யப்பெற்ற ஸ்ரீமானாகிய எம்பெருமானை - பல குறைகள் நிறைந்த குற்றங்கள் பல புரிந்த பாவியாகிய நான் எந்தையே! என்றும்,  எம்பெருமானே என்றும் என ஆசை  பொங்க  அழைத்து, எனது சிந்தையினுள்ளே வைத்துக்கொள்வேன்,  வாயினாலுஞ் சொல்வேன் - எப்பொழுதும் நலம் தரும் சொல் அதுவே. நாரணனது திருநாமங்களே எமக்கும் அனைத்து பக்தர்களுக்கும் இம்மையிலும் மறுமையிலும் நலம் தர வல்லது.   





At Thiruvallikkeni divyadesam, there would be 5 weeks of Purattasi Sani celebrations but the 2nd falling during Navrathri, there would be no purappadu of Sri Azhagiya Singar.  Today with huge expectations, Sri Thelliya Singar came out His gopura vasal around 0450 pm .. .. as HE came out – there was moonram thiruvanthathi goshti thuvakkam and immediately came sharp showers for a very short while.  Sri Azhagiya Singar purappadu was curtailed and HE returned back with thiruvanthikappu too occurring inside the temple.  

Here are some photos of the short purappadu. 

adiyen Srinivasa dhasan
Mamandur Veeravalli Srinivasan Sampathkumar
24.09.2022. 







Purattasi Masam Sani varam 1 - 2022 : வண்டார் தண்ணந்துழாயான் மாதவன்

The tamil month of Purattasi has a pride of place.  Devotees throng  Vishnu temples, especially Tirupathi.  In this month, occurs the  annual Brahmothsavam at Tirupathi. It is also the month of ‘Navrathri’ festival.  This year, Navarathri festival starts from Monday 26.9.2022.   On every Saturday in this  month of Purattasi, there will be Periya maada veethi purappadu of Emperuman  Azhagiya Singar.   Today is  Sani varam 1. 




அழகான மணமுள்ள பூக்களில் வண்டுகள் மொய்க்கும்.  இதனால் வந்திருக்கும் பயனுண்டு ! தாவரங்களுக்கும் !!  .. .. வண்டு என்பது ஆறு கால்கள் கொண்ட ஒரு பறக்கும் பூச்சியினம். இவற்றிற்கு, முன் இறக்கைகள் இரண்டும் பின் இறக்கைகள் இரண்டும் ஆக நான்கு இறக்கைகள் உண்டு. முன்னால் தலைப்பகுதியில் இரண்டு உணர்விழைகள் உண்டு. வண்டுகளின் முன் இறக்கைகள் கெட்டியானவை, பின் இறக்கைகள்தான் பறக்கப் பயன்படும். 








ஸம்ருத்தி என்ற சொல்லுக்கு - செழிப்பு என பொருள் கொள்ளலாம்.  இந்த அற்புத புரட்டாசி மாதத்தில்  எம்பெருமானை நினைத்து,   விரதம் இருந்து வழிபட்டால் எல்லாவிதமான கஷ்டங்களும் நீங்கி வளமான வாழ்வு கிடைக்கும்.  புரட்டாசி மாதத்தில் - திருமலை வேங்கடவனை நினைத்து - 'கோவிந்தா, கோவிந்தா !!' என அழைக்கும் பக்தர்களின் குரல்கள் நிறைவாக கேட்கும்.  பக்தர்களுடன் சேர்ந்து,  பாகவதர்களுக்கு நலன்கள் செய்தல் மிக நன்று !  

ஸ்வாமி நம்மாழ்வார் எம்பெருமானிடத்திலே பரிபூர்ண ஈடுபாடு கொண்டவர். அவருக்கு இத்தகைய ஸ்ரீவைஷ்ணவ கோஷ்டியே செழிப்பாக தோன்றுகிறது.  ஸ்ரீ வைஷ்ணவ ஸம்ருத்தியைக்கண்ட ஆழ்வார் இந்த ஸம்ருத்தியை அனுபவிப்பதற்கு மற்றும் பல அநுகூலர்களையும் ஆதரத்தோடு அழைக்கிறார்.  இதோ இங்கே ஒரு திருவாய்மொழி பாசுரம் (ஐந்தாம் பத்து - இரண்டாம் திருவாய்மொழி): 

கண்டோம் கண்டோம் கண்டோம் கண்ணுக்கினியன கண்டோம்,

தொண்டீர் எல்லீரும் வாரீர் தொழுது தொழுது  நின்றார்த்தும்,

வண்டார் தண்ணந்துழாயான் மாதவன் பூதங்கள் மண்மேல்,

பண்  தான்  பாடி  நின்றாடிப் பரந்து திரிகின்றனவே.

 

வண்டுகள் பூக்களில் தேனையும் மது ரசத்தையும் பருகி ஆனந்தமுறும்.  அத்தைகைய,   வண்டுகள்  ரீங்காரமிடும்,  குளிர்ந்தழகிய திருத்துழாய் மாலையையணிந்தவனான  ஸ்ரீமன் நாரணனது  பக்தர்கள், இந்த  நிலத்திலே,  இராகங்களை  பாடிக்கொண்டு ஆடிக் கொண்டு  எங்கும் பரவி உலாவுகின்றனர்; இவ்வாறாக   கண்ணுக்குப் பரமபோக்கயமான நிலைமைகளை கண்டோம் கண்டோம் கண்டோம் !!    பாகவதர்களான ஸகலர்களும் வாருங்கள்;  அவ்வெம்பெருமானை தொழுது தொழுது  நன்றாக வணங்கி ஆரவாரிப்போம். என திருமாலடியார்களை அழைக்கின்றார் ஆழ்வார். 

Here are some photos of the most Thelliya Singar taken during pathi ula on day 1 of Aani brahmothsavam on 7.7.2022. 

adiyen Srinivasa dhasan
Dusi Mamandur  Veeravalli Srinivasan Sampathkumar  
24.9.2022

பாசுர விளக்கம் :  கச்சி ஸ்வாமிகள் - இணையற்ற சம்பிரதாய பொக்கிஷம் : திராவிட வேதா இணையம்.