Dusi Mamandur Sri Lakshmi Narayana Perumal Samprokshanam

Dear (s)

Thondai mandalam is famous for its temples - among the 108 Sri Vaishnavaite shrines, 22 are situated in and around Kanchipuram.  Our Acharyas like  Sriman Ramanujar, Thirukachi Nambi, Koorathazhwan, Mudaliandan, Embar,  Vedanta Desikar were all born in Thondai mandalam.

The village of Mamandur (near Dusi) is on the Cheyyar route less than 10 km away from Kanchipuram.  The century old Sri Lakshmi Narayana Perumal kovil is place where devotees are granted their wishes by the Lord.  The Moolavar has Lakshmi Prattiyar on his lap - is very powerful and grants boons to all his devotees.

The temple was renovated last in 1950 and with the efforts of some good people, the Samprokshanam is to take place on 5th Sept 2010 (Sunday) in Simha Lagnam betwen 0530 am to 0700 am.

All are requested to attend and get the blessings of the Lord.  Donations can be sent in the name of "SRI SUNDARAVALLI THAYAR - LAKSHMI NARAYANA PERUMAL KAINKARYA SABHA" - Bank Account : 822010110003359 (IFSC code BKID 00082220) Bank of India, Kancheepuram Branch, Gandhi Road, Kanchipuram.

Adiyen - Sampathkumar Srinivasan.

-------------------------------------------------------------------------------------------------------
The notice containing details is available here.  Mamandur Samprokshana Pathirikai
------------------------------------------------------------------------------------------------------

ஸ்ரீ வைஷ்ணவ அடியார்களே

தொண்டை நாடு பல சிறப்பு பெற்றது.  ஸ்ரீ வைஷ்ணவ 108  திவ்ய தேசங்களில் - 22 திவ்ய தேசங்கள் தொண்டை மண்டலத்திலேயே, திருக்கச்சி  அருகிலேயே அமைந்துள்ளன.  நம் தொண்டை மண்டலத்தில்தான்  ஸ்ரீமத் ராமானுஜர், திருக்கச்சி நம்பிகள், கூரத்து  ஆழ்வான், முதலியாண்டான் , எம்பார் , வேதாந்த தேசிகர் போன்ற ஆச்சார்யர்கள் அவதரித்தனர்.

இத்தகைய சிறப்பு வாய்ந்த காஞ்சிபுரம் அருகே செய்யார் செல்லும் மார்க்கத்தில் தூசி அருகே மாமண்டூரில் ஸ்ரீ லக்ஷ்மி நாராயண பெருமாள் கோவில் அமைந்து உள்ளது.  இத் திருக்கோவிலில்  ஸ்ரீ லக்ஷ்மி தாயாரை மடியில் தாங்கி, பெருமாள் அருள் பாலிக்கிறார். எல்லா வரங்களையும் தரும் இத் திருக்கோவிலின் சம்ப்ரோக்ஷணம் முன்பு  1950ம்  ஆண்டு நடைபெற்றது.   இப்போது ஊர் பெரியவர்களும் இங்கே முன்பு வாழ்ந்து இருந்த சிலரது பெரிய முயற்சிகளால் கோவில் பணிகள் நடைபெற்று சம்ப்ரோக்ஷணம் விக்ருதி வருஷம் ஆவணி மாதம் 20 ஆம் தேதி (05/09/2010 Sunday)  புனர் பூசம் நக்ஷத்திரம் சித்த யோகம் கூடிய சுப தினத்தில் காலை  0530  மணிக்கு மேல்  0700  மணிக்குள் ஆலய விமான கோபுர சம்ப்ரோக்ஷணம் நடை பெற உள்ளது.

ஆஸ்திக பக்தர்கள் எல்லோரும் வந்து இருந்து ஸ்ரீ லக்ஷ்மி நாராயண பெருமாளின் பரி பூர்ண க்ருபாகடாக்ஷதுக்கு பாத்திரர் ஆகுமாறு பிரார்த்திக்கிறேன்.

நன்கொடைகள்  " ஸ்ரீ சுந்தரவல்லி தாயார் சமேத லக்ஷ்மி நாராயண பெருமாள் கைங்கர்ய சபா" என்ற பெயரில் பேங்க் அப் இந்தியா  காஞ்சிபுரம் கிளை  கணக்கு எண் 822010110003359 IFSC code BKID 0008220)  காசோலை ஆக  அனுப்புமாறு வேண்டிக் கொள்கிறோம்.

ஆடி ஹஸ்தம் - வரதராஜ பெருமாள் சிறிய மாட வீதி புறப்பாடு

திருவல்லிக்கேணி திவ்ய க்ஷேத்ரத்தில் ஐந்து திவ்ய தேச எம்பெருமான்கள் அருள் பாலிக்கின்றனர். சப்த ரோம என்ற முனிவர்க்கு காட்சி அளித்த ஸ்ரீ கஜேந்திர வரதர் 'ஆனையின் துயரம் தீர புள் ஊர்ந்து' என கருடன் மேலே எழுந்து அருளியிருக்கிறார். இவருக்கு வைகாசி மாதத்தில் பத்து நாட்கள் உத்சவமும் தவிர தவன உத்சவம் மற்றும் மாத திருநக்ஷத்திரமான ஹஸ்தம் அன்று புறப்பாடும் நடை பெறுகிறது.


14/08/2010 அன்று ஆடி ஹஸ்தம் - வரதராஜ பெருமாள் உத்சவர் சிறிய மாட வீதி புறப்பாடு கண்டு அருளினார். புறப்பாட்டின் சில புகை படங்கள் இங்கே


அடியேன் : சம்பத்குமார்.

ஆண்டாள் திருவாடிப்பூரம் உத்சவம்

பூமி பிராட்டியின் திரு அவதாரமான கோதை என பெயர் பெற்ற ஆண்டாள் கலி பிறந்து தொண்ணூற்று எட்டாவது நள வருடத்தில் சுக்ல பக்ஷம் பஞ்சமி திதி கூடிய பூர நக்ஷத்ரத்தில் பெரியாழ்வார் என்கிற விஷ்ணு சித்தர் நந்தவனத்திலே துளசிச் செடியின் அருகே  ஒரு அழகிய பெண்  குழந்தையாக அவதரித்தார். 


தமது திருப்பாவையில் - "வையத்து வாழ்வீர்காள்' என்ற பாசுரத்தில் - இந்த பூவுலகில் வாழும் எல்லோரும் பேறு பெற உஜ்ஜீவிக்கும் வழியை ஆராய்ந்து, திருப்பாற்கடலில் துயிலும் பரந்தாமனையே நினைத்து அவரடியே சேருமாறு பாடின ஆண்டாள் திருவாடிப்பூர உத்சவம் நடைபெறுகிறது.


வியாழன் 12/08/2010  அன்று திருவாடிபூர சாற்றுமுறை.  திருவல்லிக்கேணியில் ஆறாம் உத்சவ புறப்பாட்டில் எடுக்கப்பட்ட சில புகைப்படங்கள் இங்கே : 

- ஸ்ரீனிவாசன் சம்பத்குமார்

Saturmurai Purappadu of Acharyan Aalavanthaar - Gajendra moksham

இன்று (ஜூலை 25) ஆடி  மாத உத்திராட நக்ஷத்திரம். பௌர்ணமி கூடிய சுப நாள். இன்று ஆச்சார்யன் ஆளவந்தார் சாற்றுமுறை - கூடவே கஜேந்திர மோக்ஷம். 

ஸ்ரீ வைஷ்ணவ ஆசார்ய பரம்பரை ஸ்ரீமந்நாராயணனிடமிருந்து தொடங்குகிறது; பிராட்டியார், சேனை முதலியார், ஸ்வாமி நம்மாழ்வார் என்னும் வரிசையில் நாதமுனிகள் யோகதசையில் வகுளாபரணருக்குச் சீடரானார். ஸ்ரீமன் நாதமுனிகளுக்கு பிறகு - உய்யக்கொண்டார், மணக்கால் நம்பி, அடுத்ததாக யாமுனாசர்யர் என்கிற ஆளவந்தார்    ( 916-1041 AD ); பல ஆசார்ய சிரேஷ்டர்கள் வேதநூற் பிராயம் எனப்படும் 100 வயது கடந்து வாழ்ந்துள்ளனர். பூர்வ ஆசார்யர்களுள் யமுனைத்துறைவரும் (ஆளவந்தார்), ஸ்ரீ பராசர பட்டரும் மிகச் சிறு வயதில் பெரிய அறிஞர்களை வாதத்தில் வென்று தம் புலமையை வெளிப்படுத்தியவர்களாவர். 

""ந தர்ம நிஷ்டோஸ்மி ந சாத்ம வேதி,

 ந பக்திமான் த்வச்சரணாரவிந்தே;

அகிஞ்சானோனான்யகதி: சரண்ய!

 த்வத் பாதமூலம் சரணம் ப்ரபத்யே!!"" –

நான் தர்மத்தை அறிந்தவனல்லன். அன்றி தன்னையறிந்தவனுமல்லன். உன்னுடைய பாதகமலங்களை சரணடைந்த பக்தனுமல்லன். வேறொன்றுமறியாது உன்னை சரணடைவதே கதியென்றெண்ணி உன் பாதங்களில் சரணடைகிறேன். என்பது - ஆளவந்தார் வாக்கு. நாதமுனிகள் இல்லாமலிருந்தால் நமக்கு நாலாயிர திவ்ய பிரபந்தம் கிடைத்திராது. சுவாமி நாதமுனிகள் தான் நாலாயிர திவ்ய பிரபந்தங்களையும் ஒன்று திரட்டியவர். இவருடைய புதல்வன் ஸ்ரீஈஸ்வர முனிகள். அவரது குழந்தைதான் ஆளவந்தாரான யமுனைத்துரைவர் எனப்படும் யாமுனாசாரியர். 

நாதமுனிகளும், யாமுனாச்சார்யராகிய ஆளவந்தாரும் பிறந்த திருத்தலம், ‘காட்டு மன்னனார் கோவில்’. வீரநாராயணபுரம் என சோழர்கள் காலத்திலும் தற்கால வீராணம் ஏரி உள்ள இடத்தில உள்ள கோவில் ஆளவந்தாரின் திருத்தலம். இளம்வயதிலேயே வித்வஜ்ஜன கோலாகலர் என்றும் அக்கியாழ்வான் என்றும் புகழ்பெற்ற அறிஞரை வாதத்தில் வென்றார். தனது பன்னிரண்டாம் வயதிலேயே இச்சிறப்பு பெற்றதால் ஆளவந்தார் என புகழ் பெற்றார். மணக்கால் நம்பிகள் ஆளவந்தாரை ஸ்ரீரங்கத்துக்கு அழைத்து சென்று ரங்கநாதரைக்காட்டி குலதனம் என்று நம்பிகள் ஒப்படைத்தார். ஆளவந்தாரும் தம் போக வாழ்க்கையை அக்கணமே துறந்து துறவியாகி ஆன்மீகப்பேரரசரானார். ஆளவந்தார் ஒரு சமயம் திருக்கச்சியிலே இளையாழ்வான் ஆனா ராமானுஜரை கண்டு 'ஆ முதல்வனிவன்' என ஸ்லாகித்து பின்பு பெரிய நம்பியிடம் ராமானுஜரை பற்றி கூறினாராம். 

ஆளவந்தார் ராமானுஜரின் மானசீக ஆசானும் கூட. ஒவ்வொரு வருடமும் ஆடி  மாதம் உத்திராட நட்சத்திரத்தில் ஆளவந்தாரின் பிறந்த தினம் கொண்டாடப்படுகிறது.  இவர் அருளிச் செய்த நூல்கள் ஸ்தோத்ர ரத்னம், சித்தித்ரயம், ஸ்ரீ கீதார்த்த ஸங்க்ரஹம், ஆகமப்ராமாண்யம், சதுஸ்லோகி என்னும் வடமொழி நூல்கள். 

அடியேன் - சம்பத்குமார்

                                                                       

 ஸ்ரீ பார்த்தசாரதி கருட சேவையில்

 

சுவாமி ஆளவந்தார்

எனது நண்பர்களுக்கு ஆளவந்தாரை பற்றி தெரிவிக்க பல இடுகைகளையும் படித்து தொகுத்தது . குறைகள் இருந்தால் மன்னிக்கவும்.