Kudanthai Kizhkottam - Kumbakonam Sri Nageswarar thirukkovil

 

Kudanthai Kizhkottam mahimai

இன்று 7.8.2026 - ஆடி வெள்ளி.  ஆடி மாத வெள்ளிக்கிழமைகள் அம்மன் வழிபாட்டிற்கு சிறந்த நாட்கள் என போற்றப்படுகின்றன. இன்றைய பதிவு - குடந்தைக் கீழ்க்கோட்டம்.

                                             கும்பகோணத்தில் அருள் தரும் பெரிய நாயகி (பிருகந்நாயகி) சந்நிதியில், ஆடி மாத வெள்ளிக்கிழமைகளில் சிறப்பு வழிபாடுகளும், அபிஷேக ஆராதனைகளும் விமரிசையாக நடைபெறுகின்றன.  குடந்தைக் கீழ்க்கோட்டம் ஸ்ரீ நாகேஸ்வர ஸ்வாமி திருக்கோவில், அப்பர் பாடல் பெற்ற சிவாலயம்.  இறைவன் நாகேசுவரர், இறைவி பெரியநாயகி. தேவாரப் பாடல் பெற்ற தலங்களில் சோழ நாடு காவிரி தென்கரைத் தலங்களில் அமைந்துள்ள 27வது சிவத்தலமாகும்.  அமுத குடத்துக்கு அருச்சித்த வில்வம் விழுந்த இடத்தில் சிவக்குறியொன்று தோன்றியது. அத்தலமே  வில்வவனேசம் எனப்பெயர் பெற்றது. இத்தலம் நாகேசம் என்றழைக்கப்படுகிறது

சொன்மலிந்த மறைநான்காறங்க மாகிச்

சொற்பொருளுங் கடந்த சுடர்ச் சோதி போலும்

கன்மலிந்த கயிலைமலை வாணர் போலுங்

கடல்நஞ்ச முண்டிருண்ட கண்டர் போலும்

மன்மலிந்த மணிவரைத்திண் தோளர் போலும்

மலையரையன் மடப்பாவை மணாளர் போலும்

கொன்மலிந்த மூவிலைவேற் குழகர் போலுங்

குடந்தைக்கீழ்க் கோட்டத்தெங் கூத்த னாரே. 

 

குடந்தைக் கீழ்க்கோட்டம் என முன்னனில் பிரசித்த பெற்ற தலம் - கும்பகோணத்தில் உள்ள அருள்மிகு நாகேஸ்வரர் திருக்கோயில். இத்தலத்தின் இறைவன் நாகேஸ்வரர் / நாகநாதர்; இறைவி பிருகந்நாயகி, பொதுவாக பெரியநாயகி என்றும் அழைக்கப்படுகிறார்.  குடந்தைக் கீழ்க்கோட்டம் நாகேஸ்வரர் திருக்கோயிலுக்காகத் திருநாவுக்கரசர் அருளியிருப்பது ஆறாம் திருமுறை, 75-ஆம் பதிகம். இது திருத்தாண்டகம் என்னும் பண்ணில் அமைந்தது; பதிகத்தின் தொடக்கச் சொற்கள் “சொன்மலிந்த மறைநான்கா றங்கமாகிச்” என்பவை. இதில் 10 பாடல்கள் உள்ளன.  இத்தல மரம் - வில்வம்.  தீர்த்தங்கள்: சூரிய புஷ்கரணி, சிங்கமுக தீர்த்தம், நாகதீர்த்தம். 

இந்தப் பதிகத்தில் அப்பர், குடந்தைக் கீழ்க்கோட்டத்தில் அருள்புரியும் சிவபெருமானை பல்வேறு திருவுருவங்களுடனும் குணங்களுடனும் வர்ணிக்கிறார்: நான்கு வேதங்களும் ஆறு அங்கங்களும் ஆனவர்; சொல் மற்றும் அதன் பொருளைக் கடந்த சுடர்ச் சோதி; கயிலைமலை வாழ்பவர்; ஆலகால நஞ்சை உண்டு நீலக்கண்டரானவர்; பார்வதியின் மணாளன்;      மூவிலை வேல் ஏந்திய குழகன்; பாம்பு, பிறை, புலித்தோல், விடை போன்ற சிவச் சின்னங்களை அணிந்தவர். 

இப்பதிகத்தின் ஒவ்வொரு பாடலின் முடிவிலும் “குடந்தைக் கீழ்க்கோட்டத்தெங் கூத்தனாரே” என்ற மகுடம் இடம்பெறுகிறது; இதனால் பதிகம் முழுவதும் தலத்தின் இறைவனான நாகேஸ்வரரின் பெருமை மையமாகிறது

 

Some photos taken during earlier visits to Kumbakonam
 
adiyen dhasan – S Sampathkumar
7.8.2026