இன்று ஞாயிறு 18.8.2024
- ஆவணி 2 இன்று க்ரோதி
வருடம், . தக்ஷிணாயனம்; வர்ஷ ருது - . சுக்ல பக்ஷ திருவோண நக்ஷத்திரம் .. ஸ்ரீ பொய்கையாழ்வார் (ஐப்பசி); ஸ்ரீபிள்ளைலோகாச்சார்யர் (ஐப்பசி) ; ஸ்ரீ வேதாந்தாச்சாரியர் (புரட்டாசி) - மாச திருநக்ஷத்திரம். திருவல்லிக்கேணியில் ஒவ்வொரு திருவோணத்தன்றும் சிறிய
மாட வீதி புறப்பாடு உண்டு. ஜேஷ்டாபிஷேகம் முடிந்து
பவித்ர உத்சவம் வரை புறப்பாடு கிடையாது - எனவே இன்று பெருமாள் புறப்பாடு கிடையாது
.jpg)
தாழை மலர்கள் (Pandanus fascicularis - தாழம்பூ) நிறைய அருகருகில் வளர்ந்துள்ள சோலைகளாலே சூழப்பட்ட , காஞ்சீநகரத்தில் , ( திருவெஃகாவிலே ) பொற்றாமரைப் பொய்கையிலே அவதரித்தவர் நம் பொய்கையாழ்வார். இவருக்கு கவிஞர் போரேறு ; ஸரோமுனீந்த்ரர்; ஆழ்வார்கள் நைனார் , என திருநாமங்கள் உண்டு. இவர் அஜ்ஞாநிகளான ஸம்ஸாரிகளோடு ஸஹவாஸம் இல்லாமல் மலர்க்காடுகளில், ஊர் ஊராக சஞ்சரித்துக்கொண்டு பகவத் குணங்களையே தாரகபோஷக போக்யங்களாகக் கொண்டு திவ்ய யோக ஸம்பக்கராய் அநேகமாயிரம் வர்ஷம் எழுந்தருளியிருந்தார். எம்பெருமான் திருநாமங்களையே எப்போதும் வாய் சொல்லிக்கொண்டே இருக்கவேண்டும் என - திருநாமம் வாயிலேவாஸிதமாக இருக்கவேணுமாய் பொய்கைப்பிரான் அருளிய முதல் திருவந்தாதி பாசுரம் இங்கே :
பேரே
வரப் * பிதற்றல் அல்லால் என் பெம்மானை *
ஆரே
அறிவார்? அது நிற்க ** நேரே
கடிக்கமலத்து
உள் இருந்தும் * காண்கிலான் * கண்ணன்
அடிக்கமலம்
தன்னை அயன்
எம்பெருமானது திருநாமமாகவே, அவனை ஆராதித்து, அவன் எழுந்தருள பிதற்றுவதைத்தவிர; அந்த எம்பெருமானை; யார் தான் அறிய வல்லவர்கள்?; பரிமளம் மிகுந்த நாபிகமலத்திலே பிறந்து; நிரந்தர வாஸம் பண்ணிக்கொண்டிருந்தும் பிரமனே அந்த கண்ணனின் திருவடித் தாமரைகளை காணப் பெற்றானில்லை எனினும், சொல்லப்புக்காலும் திருநாமம் வாயிலே வரும்படி பிதற்றலல்லால் நமக்கு உய்விக்கும் வழி ஏது ! எம்பெருமான் ஸ்ரீமந்நாரணன் திருவடிகளை பற்றி, அவன் திருநாமங்கள் மட்டுமே சொல்லி, அவனை சேர்வதற்கு நாம் முயற்சிப்போம்.
Today is Avani Thiruvonam – thinking of
Emperuman, here are some photos from the mattaiyadi vaibhavam – day 9 of Sri
Parthasarathi Perumal Chithiram brahmothsavam – Chithirai Thiruvonam on
1.5.2024.
~ adiyen Srinivasa dhasan.
Mamandur Veeravalli Srinivasan Sampathkumar
18.8.2024
.jpg)
.jpg)
.jpg)
.jpg)
.jpg)
.jpg)
No comments:
Post a Comment